प्रतिनिधिसभा सांसद तथा जनवादी गायिका सानु शिवा पहाडीको निधन
काठमाडौं, २८ असोज । प्रतिनिधिसभाकी सांसद सानु शिवा (पहाडी) को निधन भएको छ ।
सत्तारुढ नेपाल कम्युनिष्ट पार्टी (नेकपा) को तर्फबाट प्रतिनिधिसभाकी सांसद एवं जनकलाकार सानु शिवा पहाडीको आज (बुधबार) काठमाडौंकोे केएमसी अस्पतालमा उपचारका क्रममा निधन भएको हो । उनी लामो समयदेखि मुटुसम्बन्धी रोगबाट पीडित थिइन् ।
२०३६–०३७ सालदेखि नेपाली विद्यार्थी आन्दोलन र सांस्कृतिक अभियानकी सक्रिय योद्धा, समाज रुपान्तरणको लागि नेपाली दलित आन्दोलनकी अग्रज, जनवादी लेखक हुन् ।
सानु इलामका साहित्यकार एवम् एकलाइने कविता आन्दोलनका प्रवर्तक डम्बर पहाडीकी जीवन संगी हुन् । उनले धेरै जनवादी गीहरुमा स्वर दिएकी छिन् ।
