कोरोनाबाट धरानमा थप एक महिलाको मृत्यु
सुनसरी, २९ असोज । कोरोना भाइरस संक्रमणबाट सुनसरीको धरानमा थप एक महिलाको मृत्यु भएको छ ।
धरान उपमहानगरपालिका –७ की ६३ वर्षीया महिलाको बिहीबार बिहान सवा ११ बजे उपचारका क्रममा मृत्यु भएको हो ।
यही असोज २१ गते बिपी कोइराला स्वास्थ्य विज्ञान प्रतिष्ठानको कोभिड–१९ अस्पतालमा भर्ना भए उनलाई २२ गते कोरोना संक्रमण पुष्टि भएको थियो । मृतक महिला निमोनिया र हृदय रोगको बिरामी थिइन् ।
