सांग्रिला डेभलपमेन्ट बैंकद्वारा वार्षिकोत्सवमा आमाको घरलाई सहयोग
काठमाडौ, १४ कार्तिक । सांग्रिला डेभलपमेन्ट बैंक लिमिटेडले आफ्नो स्थापनाको १६ औं वार्षिकोत्सवको अवसरमा प्रदेश ३, काठमाडौ, रविभवन स्थित आमाको घरलाई आर्थिक सहयोग गरेको छ ।
बालुुवाटार, काठमाडौंमा केन्द्रीय कार्यालय रहेको बैकले आफ्नो संस्थागत सामाजिक उत्तरदायित्व अन्तर्गत उक्त आर्थिक सहयोग गरेको हो ।
बैंकले आमाको घरमा आश्रित वृद्धवृद्धा तथा अनाथ बालबालिकाहरुलाई सहयोग पुग्ने विश्वास बैंकले लिएको छ ।
बैंकले आफ्ना ग्राहकहरुलाई बैंकिङ्ग सेवाको अतिरिक्त बेला बेलामा आफ्नो देशभर रहेका ९२ शाखा कार्यालयहरुबाट आफ्नो आवश्यकता अनुसार सामाजिक उत्तरदायित्व अन्तर्गत विभिन्न सामाजिक संस्थाहरुलाई सहयोग गर्दै आईरहेको प्रेस विज्ञप्ती बताएको छ ।