सनसनीपूर्ण खेलमा नेपालले क्यानाडालाई हरायो, विश्वकप छनोट खेल्ने पक्का
काठमाडौं, २ फागुन : नामिबियामा जारी आइसिसी विश्व क्रिकेट लिग डिभिजन–२ अन्तर्गत समूह चरणको अन्तिम खेलमा नेपालले क्यानाडालाई हराएको छ । नेपालको जितमा करण केसी नायक बनेका छन् ।
लगातार चार बल उनले रन जोड्न सकेनन् । तर, पाँचौं बल छक्का हान्दै जितको आश जगाए । अर्को बल बाइड भएसँगै नेपालको खातामा एक रन थपियो र दुबै टिमको स्कोर ड्र भयो । अन्तिम बलमा मात्र एन रन चाहियो, जुन करणले सहजै पुरा गरे र नेपाललाई विश्वकप छनोटमा पुर्याए । ३१ बलको सामना गरेका उनले ३ चौका र चार छक्को मदतमा नटआउट ४२ रन बनाए ।
नेपालका लागि ओपनर दिलिप नाथले ४१ रन, रोहित पौडेलले २७ रन, आरिफ शेखले २६ रन बनाउँदा दिपेन्द्रसिंह ऐरीले १८, उपकप्तान ज्ञानेन्द्र मल्लले ९ रन बनाए। यस्तै १२ बल खेलेका सोमपाल कामीले ७ रन बनाएर आउट भए।
Nepal fans right now feeling like… ?? #CANvNEP #WCL2 pic.twitter.com/R8XhsGJGU0
— ICC (@ICC) February 14, 2018
चौथो विकेटको रुपमा दिलिप नाथको ठाउँमा ब्याटिङ गर्न आएका शरद भेषावकर ५ बलमा एक रन मात्रै बनाएर आउट भए। भने पहिलो बलमा कप्तान पारस खड्का गुमाएको थिए भने उपकप्तान ज्ञानेन्द्र मल्ल ९ रनमा आउट भएका थिए । ज्ञानेन्द्र २५ बलमा एक छक्कासहित ९ रन बनाएर आउट भए।
छैटौं ओभरको पाँचौ र अन्तिम बलमा नेपालले दुई ठूला विकेटका रुपमा उपकप्तान ज्ञानेन्द्र मल्ल र पारस खड्कालाई गुमाएको थियाे । पारस र ज्ञानेन्द्र दुवैलाई क्यानडाका बलर परबेजले आउट गरेका हुन् । खेलमा अन्तिममा बलर करन केसी र सोमपाल कामीले नेपाललाई सम्मानजनक स्कोर बनाउन सहयोग गरे।
श्रीमान्थ विजेरत्नेको शतक
टस हारेर ब्याटिङको निम्तो पाएका क्यानडाले श्रीमान्थ विजेरत्नेको शतकको मदतमा ५० ओभरमा ८ विकेट गुमाएर १९४ रन बनाएको थियो । उसका श्रीमान्थ र रुविन्दु गुनशेकराले पहिलो विकेटका लागि ४६ रनको साझेदारी गरे ।
तर, पावर प्ले सकिए लगतै बलिङमा आएका बसन्त रेग्मीले दोस्रो बलमा नै गुनशेकराको विकेट लिए । थप २१ रन जोड्दा क्यानडाले थप २ विकेट गुमायो । लगातार श्रीमान्थले पारी सम्हाले । उनले चौथो विकेटका लागि एनएस धालिवालसँग २३ र पाँचौं विकेटका लागि हमजा तारिकसँग ४१ रनको साझेदारी गरे ।
At the innings break…
?? 194/8 v ?? #CANvNEP
?? 247/6 v ?? #NAMvUAE
?? 200 all out v ?? #KENvOMACongratulations to Canada’s Srimantha Wijeratne on the first century of #WCL2!
Who is in pole position for the two @cricketworldcup qualifier spots? pic.twitter.com/heiFsEBzR5
— ICC (@ICC) February 14, 2018
अरु ब्याट्सम्यानले ठूलो स्कोर बनाउन नसकेपनि श्रीमान्थ टिकिरहे । नवौं विकेटका लागि एसएस ढिन्सासँग अविजित ३३ रनको शाझेदारी गरेका उनले शतक पुरा गरे । उनी १०३ रनमा नटआउट रहे ।
नेपालका बसन्त रेग्मीले ३ विकेट लिए भने सन्दिप लामिछानले २ विकेट लिए । घुँडाका चोटका कारण सन्दिपको बलिङ प्रभावित भएको थियो । उनले ९ ओभर मात्र बलिङ गरे । शरद भेषावकरले र करण केसीले एकएक विकेट लिए ।
नेपाल शीर्ष स्थानमा
लिगमा ५ मध्ये ४ खेल जित्दै सर्वाधिक ८ अंक जोडेको नेपाल शीर्ष स्थानमा रहदै वर्ल्ड कप क्वालिफायरमा छनोट भएको हो। ५ मध्ये ३ खेल जित्दै क्यानडा र नामिबिया समान ६ अंक जोडेको युएई रनरेटमा अगाडी रहदै दोस्रो भएको हो। अब नेपाल र युएईबीच उपाधिका लागि फाइनल खेल हुनेछ।
हारेका दुई टिम क्यानडा र नामिबिया डिभिजन टूमै रहने भएका छन् भने केन्या र ओमान रेलिगेशनमा परेका छन् ।
तालिका यस्ताे छ ।