एम्बापेको दुई गोलले मोन्टपिलरमाथि पिएसजीको शानदार जित
काठमाडौं, १० माघ । फ्रेन्च लिग वान फुटबल अन्तर्गत गए राति भएको खेलमा शीर्ष स्थानको पेरिस सेन्ट–जर्मेन (पिएसजी) ले मोन्टपिलरलाई पराजित गरेको छ ।
घरेलु मैदानमा भएको खेलमा पिएसजीले मोन्टपिलरलाई ४–० ले पराजित गरेको हो । पिएसजीको जितमा केलियन एमबाप्पेले ३४ र ६३ औं मिनेटमा गरि दुई गोल गरे ।
यस्तै नेइमारले ६० औं तथा आइकार्डीले ६१ औं मिनेटमा गोल गरेर टिमलाई जित दिलाएका हुन् । १९ औँ मिनेटमा ओम्लन सीधै रातो कार्ड पाएर मैदानबाट बाहिरिएपछि मोन्टपिलर १० खेलाडीमा सीमित भएको थियो ।
जितपछि शीर्ष स्थानको पिएसजीको २१ खेलबाट ४५ अंक भएको छ । दोस्रो स्थानको लिलेको २० खेलबाट ४२ अंक छ । एजेन्सी
