भारतमा डरलाग्दो दुर्घटना, १० जनाको मृत्यु, २० बढी घाइते
नयाँदिल्ली, १७ माघ । भारतको उत्तर प्रदेशमा पर्ने मुरादाबाद जिल्लामा डरलाग्दो दुर्घटना भएको छ । भारतीय सञ्चारमाध्यमका अनुसार बस र कन्टेनर आपसमा ठोक्किँदा कम्तीमा १० जनाको मृत्यु भएको छ ।
साथै २० जनाभन्दा बढी घाइते भएका छन् । आगरा हाईवेस्थित कुन्दरकी थाना क्षेत्रमा नानपुर पुलनजिक शनिबार बिहान केन्टेनर र बस आपसमा ठोक्किएका हुन् । ओभरटेक गर्दा दुर्घटना भएको प्रत्यक्षदर्शीले बताएका छन् ।
प्रहरीका अनुसार एक निजी बस कुन्दरबाट यात्रु लिएर मुरादाबाद जाँदै थियो । नानपुर पुल नजिक पुग्नासाथ कन्टेनरसँग ठोक्किएको हो । एजेन्सी
