केपी ओली बालकोट गएर बस्नुस् : अमृता थापा
काठमाडौं, २८ माघ । अखिल नेपाल महिला संघकी अध्यक्ष अमृता थापाले प्रधानमन्त्री केपी ओलीलाई बालकोट गएर बस्न सुझाब दिएका छिन् । राजा–महाराजालाई सत्ताबाट हटाएका जनताले राजा–महाराजा बन्न खोज्ने ओलीलाई सहजै हटाउन सक्ने चेतावनी दिइन् ।
नेकपा प्रचण्ड–माधव समूहले राजधानीमा गरेको विरोध सभामा थापाले महिला परिवर्तनको पक्षमा रहेको पनि बताइन् । प्रधानमन्त्री ओलीले एक पटक पनि संसदीय दलका बैठक नराखेको भन्दै थापाले झुटको राजनीति नगर्न चेतावनी दिएकी छिन् ।
