सक्ने भए हटाउ, अर्को चुनावमा दुई तिहाइसहित सिंहदरबार फर्किन्छु : प्रधानमन्त्री
झापा, १८ फागुन । गृह नगर झापा पुगेका प्रधानमन्त्री केपी शर्मा ओलीले आफूलाई कसैले हटाए अर्को चुनावमा दुई तिहाइ बहुमत ल्याएर सिंहदरबार फर्किने दावी गरेका छन् ।
आज (मंगलबार) झापाको विर्तामोडस्थित पूर्वाञ्चल क्यान्सर अस्पताल उद्घाटन गर्दै उनले भने, ‘अहिले पनि कसैले हटाउन सक्छ भने हटाओस्, डेढ दुई वर्षपछि चुनाव आउँछ । दुई तिहाइका साथ सिंहदरबारमा फर्किन्छु ।’
तर अहिले पनि आफूलाई हटाउन सजिलो नभएको प्रधानमन्त्री ओलीले बताए । उनले आफूले फागुन २३ गते संसद अधिवेशन बोलाएको भन्दै सर्वोच्च अदालतको फैसलाको अब परीक्षण हुने बताए । ‘फागुन २३ गते अधिवेशन बोलाइएको छ । राम्ररी चलाएर अघि बढाउने प्रयास मेरो हुन्छ । नकारात्मक भूमिका कहिले पनि हुँदैन’ उनले भने ।
भिडियाे
