जङ्गली हात्तीले लियो ज्यान
झापा, ४ जेठ । झापाको मेचीनगर नगरपालिका–९ का ४५ वर्षीय श्याम राईको जंगली हात्तीको आक्रमणमा परी मृत्यु भएको छ ।
गत राति साढे १२ बजे मागुरमाणी सामुदायिक वनबाट एक जंगली हात्ती आई गाउँ पसेकाले खेदाउने क्रममा राईलाई हात्तीले आक्रमण गरी घाइते बनाएको थियो । घाइतेको मेची अस्पताल भद्रपुरमा उपचारको क्रममा सोही राति सवा २ बजे मृत्यु भएको हो । हात्तीलाई प्रहरी र स्थानीयबासीको सहयोगमा जंगलतर्फ लखेटिएको छ ।
