काठमाडौंका ४० प्रतिशतले लगाए कोरोनाको पूर्ण खोप
काठमाडौं, २० भदौं । काठमाडौंमा ४० प्रतिशत नागरिकले कोरोनाविरुद्धको पूर्ण खोप लगाइसकेका छन् । स्वास्थ्य कार्यालय काठमाडौंका प्रमुख बद्रीबहादुर खड्काले शुक्रबारसम्म पहिलो मात्रा खोप लगाउने ४८ प्रतिशत पुगेको जानकारी दिँदै पूर्ण खोप लगाउने जनसंख्या ४० प्रतिशत पुगेको बताए ।
उनका अनुसार काठमाडौंमा पूर्ण खोप लगाउनेको जनसंख्या शुक्रबार बेलुकासम्म नौ लाख १४ हजार ४८५ जना पुगेको छ भने पहिलो मात्रा लगाउनेको जनसंख्या ११ लाख सात हजार ९८० जना रहेको छ ।
उनले शङ्करापुर नगरपालिका र दक्षिणकालीमा पहिलो डोज शत प्रतिशत खोप दिन सकेको बताउँदै शङ्करापुर र दक्षिणकाली नगरपालिकामा १८ वर्षमाथिका सबै नागरिकले पहिलो डोज खोप लगाइसकेको जानकारी दिए । गोरखापत्र दैनिकबाट
