नेपाल–भारत द्विपक्षीय परामर्श समूहको १४ औं बैठक सकियो
काठमाडौं, १२ कात्तिक । नेपाल–भारत द्विपक्षीय परामर्श समूहको १४ औं बैठक सम्पन्न भएको छ । नेपाल सरकार तथा भारत सरकारबीच सुरक्षा सम्बन्धी विषयमा नियमित रूपमा छलफल गर्ने उद्देश्यका साथ हिजो र आज भारतको बेंगलुरुमा बसेको बैठक सम्पन्न भएको हो ।
तालिम र क्षमता अभिवृद्धिसम्बन्धी सहयोगका विविध पक्षमा छलफल भएको उक्त बैठक नेपाल र भारतकाबीच रहिआएको सम्बन्धको सुदृढीकरण तथा द्विपक्षीय सुरक्षा चासोहरूको सम्बोधनका लागि उपलब्धिमूलक हुने विश्वास नेपाली सेनाले लिएको सेनाको जनसम्पर्क तथा सूचना निर्देशनालयले जनाएको छ ।
