आफ्नै साथीबाट श्रेष्ठको हत्या, यस्तो रहेछ कारण
भक्तपुर, २२ मंसिर । राष्ट्रिय युवासंघ भक्तपुर जिल्ला कमिटीका सदस्य राजन श्रेष्ठको आफ्नै साथीहरुले हत्या गरेको खुलेको छ । आर्थिक लेनदेनका कारण आफ्नै साथीको हत्या भएको प्रहरी स्रोतले बताएको छ ।
प्रहरीले हत्यामा संलग्न दुई जनालाई पक्राउ गरेको छ । उनको उपचारका क्रममा मंगलबार राति मृत्यु भएको थियो । उनीहरुले मंगलबार साँझ गठ्ठाघरबाट बालकोट जानेक्रममा हनुमन्ते खोला नजिक श्रेष्ठमाथि निर्घात कुटपिट गरेका थिए ।
महानगरीय प्रहरी वृत्तका प्रहरी नायव उपरीक्षक नरहरि रेग्मीले घटनाबारे थप अनुसन्धान भइरहेको बताए । रेग्मीले अन्नपूणर्सँग भने, ‘ शंकास्पद केहीलाई पक्राउ गरेका छौं । सोधेपुछ भइरहेको छ ।’ प्रहरीले पक्राउ परेकालाई केहीबेरमा सार्वजनिक गर्दैछ ।