दोस्रो चरणमा मतदान हुने भएपछि देउवाले माग ‘रिङब्याक टोन’ मै भोट
काठमाडौं। नेपाली कांग्रेसको नयाँ नेतृत्व चयनको लागि दोस्रो चरणको मतदान हुने भएपछि सभापतिका उम्मेदवार शेरबहादुर देउवा पक्षले फोन गर्दा सुन्न सकिने रिङब्याक टोनमै मत माग्न थालेको छ ।
केहीबेर अघिदेखि देउवा निकटका नेताहरुले सबै महाधिवेशन प्रतिनिधिसँग देउवालाई जिताउन आग्रह गरिएको रिङब्याक टोन राखेका हुन् । कांग्रेसको हिजो भएको मतदानमा सभापति पदमा कसैले पनि कम्तीमा पचास प्रतिशत र थप एक मत नल्याएपछि दोस्रो चरणको निर्वाचन हुन लागेको छ ।
सभापतिका लागि देउवा र डा. शेखर कोइराला प्रतिस्पर्धामा छन् । निर्वाचन समितिले दोस्रो चरणको निर्वाचन साढे ३ बजेपछि गर्ने तयारी गरेको छ ।
