देउवालाई बधाई दिंदै बाबुरामले भने, ‘प्रतिगमनकारी शक्तिले टाउको उठाउन नपाऊन्’
काठमाडौं । सत्ता साझेदार दल जनता समाजवादी पार्टी (जसपा) का संघीय परिषद्का अध्यक्ष डा. बाबुराम भट्टराईले नेपाली कांग्रेसको १४औं महाधिवेशनबाट पार्टी सभापतिमा पुनः निर्वाचित भएकोमा शेरबहादुर देउवालाई बधाई दिएका छन् ।
आज बिहान सामाजिक सञ्जालमार्फत उनले देउवालाई बधाई तथा सफल कार्यकालको शुभकामना दिएका हुन् । शुभकामना सन्देशमा उनले देउवाको नेतृत्वमा संघीय लोकतान्त्रिक गणतन्त्र मजबुत होस् भन्ने कामना गरेका छन् । यस्तै, प्रतिगमनकारी शक्तिले टाउको उठाउन नपाऊन् र अग्रगमनकारी शक्तिबीच एकता होस् भन्दै थप शुभेच्छा व्यक्त गरेका छन् ।
नेपाली कांग्रेसको १४औं महाधिवेसनबाट पार्टी सभापतिमा पुन: निर्वाचित हुनुभएकोमा प्रम @SherBDeubaलाई हार्दिक वधाइ तथा सफल कार्यकालको शुभकामना! वहाॅको नेतृत्वमा संघीय लोकतान्त्रिक गणतन्त्र मजबुत होस्; प्रतिगमनकारी शक्तिले टाउको उठाउन नपाउन्;अग्रगमनकारी शक्तिबीच एकता होस्;थप शुभेच्छा!
— Baburam Bhattarai (@brb1954) December 15, 2021