डढेलो निभाउन खोज्दा भिरबाट लडेर मृत्यु
डोल्पा । जङ्गलमा लागेको डढेलो निभाउन खोज्दा भिरबाट लडेर घाइते भएका डोल्पाको जगदुल्ला गाउँपालिका-१ हुरीकोटका ६० वर्षीय धावाटसी लामाको मृत्यु भएको छ ।
हुरिकोटमा आगो निभाउँदै गर्दा लडेर गम्भीर घाइते भएका लामालाई उपचारका लागि हेलिकोप्टरमा नेपालगञ्ज पुर्याएपछि मृत्यु भएको प्रहरीले जनाएको छ । डढेलो भने अझैं नियन्त्रणमा आउन नसकेको स्थानीयवासी टेकबहादुर शाहीले जानकारी दिए । हेलिकोप्टर भाडा समेत लामा परिवारले तिर्न सकेको छैन । रासस