मधेस सरकारको चार वर्षे उपलब्धि : छोरी शिक्षादेखि मोदीको भ्रमणसम्म


३ फाल्गुन २०७८, मंगलवार
14 Shares
madhes sarkar SldA306REa

धनुषा । मधेस प्रदेशका मुख्यमन्त्री लालबाबु राउतले प्रदेश सरकारले समाज रुपान्तरणको अभियानमार्फत् महत्वपूणर् काम गरिरहेको बताएका छन् । आज (मंगलबार) प्रदेश सरकार स्थापना भएको चार वर्षको अवसरमा उपलब्धि सार्वजनिक गर्दै पत्रकार सम्मेलनमा मुख्यमन्त्री राउतले प्रदेश सरकारले समाजमा रहेका विकृति, बिसंगतिलाई अन्त्य गर्नका लागि सामाजिक रुपान्तरणको अभियान सञ्चालन गरिरहेको जानकारी गराए ।

यस्तै मधेस प्रदेश सरकार सम्हालेको पहिलो वर्षमै उनले भारतीय प्रधानमन्त्री नरेन्द्र मोदी र उत्तर प्रदेशका मुख्यमन्त्री योगी आदित्यनाथको सफल भ्रमण गराएको कार्यक्रमलाई उपलब्धिको रुपमा प्रस्तुत गरेका छन् । मुख्यमन्त्री राउतले विभिन्न मन्त्रालयमार्फत् ल्याइएका नीति, कार्यक्रम र योजनालाई सरकारले क्रमशः कार्यान्वयन गर्दै लगेको बताए । मधेस प्रदेशका जनताको चाहना र आकांक्षालाई सम्बोधन गर्न सरकारले निरन्तर प्रयास गर्दैआएको उनले बताएका थिए ।

salt trading.gif.pagespeed.ce .ZcRuUKaeUT

विशेष गरी समाजमा पछि पारिएका महिला, दलितलगायत उत्पीडितहरूलाई मूल प्रवाहमा ल्याउन प्रदेश सरकारले काम गरेको बताए । यस अवधिसम्म ’बेटी पढाऔं, बेटी बचाऔं’ अभियान, छोरी शिक्षा बिमाको कार्यक्रम, साइकल वितरण तथा लोकसेवा कक्षा सञ्चालन लगायत महत्वपूणर् काम गरिएको उनले बताए ।

मुख्यमन्त्री राउतले भने, ‘समाजका रुपान्तरण गर्ने किसिमका अभियान पनि सञ्चालन गरेका यहाँहरू देख्नुहुनेछ । निश्चित रुपमा समाजमा रहेका कुरीति, आर्थिक, समाजमा रहेका विभिन्न किसिमका विकृतिलाई जबसम्म महिलालाई सशक्त बनाइँदैन, दलितलाई मूलधारमा ल्याइँदैन, उत्पीडनमा रहेका समुदायलाई जबसम्म अगाडि ल्याउँदैनौं । तबसम्म निश्चित रुपमा यो समाज रुपान्तरण गर्न सकिँदैन ।’

jagdamba.cement

‘बेटी पढाऔं, बेटी बचाऔं’ अभियान साथै छोरी शिक्षा बिमाका कार्यक्रम बीचमा स्थगित गर्नु परेको भए पनि अहिले फेरि ती अभियान सञ्चालन गर्ने क्रममा रहेको उनले बताए । यस्तै आफूहरूले साइकल वितरण र लोकसेवाका कक्षा पनि सञ्चालन गरेको उनले बताए ।

प्रतिक्रिया

  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७