भुवन केसीले विराटनगरवासीसँग खेले होली
मोरङ । अभिनेता भुवन केसीले विराटनगरवासीसँग होली मनाएका छन् । होली मनाउने क्रममा अभिनेता केसी बिहीबार विराटनगरमा आयोजित कार्यक्रममा सहभागी भएका हुन् ।
स्थानीय अथिति सदनमा विराटनगर राउण्ड टेबल नम्बर ५ ले ‘कलर वाल्कथोन’ कार्यक्रम आयोजना गरेको थियो । कार्यक्रममा केसी प्रमुख अथिति थिए ।
उनले निकै रमाइलो मान्दै युवाहरू माझ रङ खेल्दै शुभकामना साटासाट गरेका छन् । ‘होली मेलमिलाप र सद्भावको पर्व हो’, उनले भने । मोरङका प्रमुख जिल्ला अधिकारी काशीराज दाहालले सभ्य र भव्य रूपमा होली मनाउनुपर्ने बताए । युवा समूहले होली खेल्दै नगर परिक्रमा गरेका थिए ।
