भारतीय नागरिक अग्रवालविरुद्ध उच्च अदालत पाटनमा मुद्दा, तीन करोड ८० लाख बिगो माग
काठमाडौं । डेढ करोड रुपैंयाँसहित पक्राउ परेका भारतीय नागरिक अमितकुमार अग्रवालविरुद्ध पाटन उच्च अदालतमा मुद्दा दाय भएको छ । राजस्व अनुसन्धान आयोगले अग्रवालविरुद्ध तीन करोड ८० लाख ३१ हजार ८५२ रुपैंयाँ बिगो कायम गरी राजस्व चुवाहटसम्बन्धी मुद्दा दायर गरेको हो ।
आयोगले अग्रवालको निवासबाट डेढ करोड बरामद गरिसकेकाले दुई करोड ३० लााख ३१ हजार ८५२ रुपैंयाँ असुल उपर गर्न माग गरेको छ ।
करिब एक महिनाअघि अग्रवाल डेढ करोड रुपैंयाँसहित ताहचलबाट पक्राउ परेका थिए । काठमाडौंको मख्खनमा बिमला इन्टरनेसनल प्रालि सञ्चालन गरी नक्कली गरगहनाको होलसेल कारोबार गर्ने भारतीय नागरिक अग्रवाल लगायतले राजस्व छली गैरकानुनी रुपमा हुण्डीमार्फत् वित्तीय कारोबार गर्दै आइरहेको सूचनाको आधारमा पक्राउ परेका थिए ।
