मुसिकोटमा कांग्रेस र माओवादी कार्यकर्ताबीच झडप : १० जना घाइते
रुकुम । रुकुम पश्चिमको मुसिकोटमा सत्तारुढ नेपाली कांग्रेस र माओवादी कार्यकर्ताबीच झडप भएको छ । आपसी विवादका क्रममा दुई पक्षबीच झडप भएको हो ।
झडपमा १० जना घाइते भएको प्रहरी प्रधान कार्यालयले जनाएको छ । प्रहरी प्रवक्ता एसएसपी विष्णु केसीले झडप भएको पुष्टि गर्दै दुबै पक्षका गरी १० जना घाइते भएको बताए ।
मुसिकोटमा एमाले र कांग्रेसको गठबन्धन छ भने माओवादी केन्द्र एकीकृत समाजवादी पार्टीसँग मिलेर चुनावी भिडन्तमा छ । रुकुम पश्चिम अर्थमन्त्री जनार्दन शर्माको गृह जिल्ला हो ।
