हतुवागढी गाउँपालिका –१ मा एमालेका कुमार बिष्ट विजयी
भोजपुर, ३१ बैशाख । भोजपुरको हतुवागढीमा १ नम्बर वडामा नेकपा (एमाले)का उम्मेदवार कुमार बिष्ट विजयी भएका छन्
हतुवागढी १ को मत गणना सम्पन्न हुदाँ उनी विजयी भएका हुन् ।
गणनाको अन्तिम नतिजा अनुसार वडाध्यक्ष पदमा ४५९ मतका साथ भने उनका निकटतम प्रतिद्वन्द्वी नेपाली कांग्रेसका पृथ्वी बहादुर थापाले २८४ मत प्राप्त गरे ।
त्यस्तै वडाका स्वतन्त्र काजिराम बस्नेतले ४ र जनता समाजवादी पार्टीका उम्मेदवार दिनेश राईले १५ मत प्राप्त गरेका छन् ।
हतुवागढी १ मा एमालेबाट वडाध्यक्ष सहित दलित महिला सदस्य शुसिला विक ४०८ मत, खुल्ला सदस्य राजेन्द्र थापा ४२१ र रामबहादुर सुवेदी ३८० मतका साथ निर्वाचित भएका छन् ।
महिला सदस्यमा भने कांग्रेसकी उम्मेदवार सारदा खड्का ३६९ मतका साथ निर्वाचित भएकी हुन् ।
वडा नम्बर १ मा खसेको कुल मत ८११ रहेको छ । जसमध्ये पालिका प्रमुखमा एमालेको ३७१, गठबन्धनको ३८६ र बदर मत ५४ रहेको छ । त्यस्तै उपप्रमुखमा एमालेको ३७८, गठबन्धनको ३६१ र बदर मत ७२ रहेको छ ।
