बराहक्षेत्रमा हसिया हथौडामा आएको मत रूख गन्न कांग्रेसको माग


१ जेष्ठ २०७९, आईतवार

सुनसरी, १ जेठ । बराहक्षेत्र नगरपालिकामा हसिया हथौडामा आएको मत रूख गन्न माग गरेपछि बराहक्षेत्रमा मतगणना स्थगित भएको छ । गठबन्धन दल कांग्रेसले मेयरको स्थानमा हसिया हथौडा चुनाव चिन्हमा मतदाताले स्वस्तिक छाप लगाएको भोट पनि रूखमा गन्न माग गरेपछि मतगणना स्थगित भएको हो ।

वडा नम्बर १ को १७ सय मत गणना भइरहेको बेला माओवादी केन्द्रले उम्मेदवार नै नउठाएको मेयरको स्थानमा हसिया हथौडा चुनाव चिन्हमा मतदाताले स्वस्तिक छाप लगाएको भटिएपछि उक्त भोट पनि गठबन्धन दल कांग्रेसका उम्मेदवार रमेश कार्कीको नाममै गणना गर्नु पर्ने माग राखेपछि विवाद सिर्जना भएको थियो । विवाद समाधानका लागि दुवै पक्षवीच छलफल गर्ने तयारी भइरहेको निर्वाचन कार्यालयले जनाएको छ ।

बराहक्षेत्रमा गठबन्धन दलका तर्फबाट मेयरमा कांग्रेसका रमेश कार्की र उपमेयरमा माओवादी केन्द्रका अमित गौतम उम्मेदवार छन ।

पछिल्लो परिणामअनुसार एमाले उम्मेदवार निलम खनालले ६७८, गठबन्धन दल कांग्रेसका रमेश कार्कीले ५७२, स्वतन्त्र रामबहादुर विष्टले ११५ मत ल्याएका छन् । उपमेयरमा एमालेका नन्दकुमारी सुनुवारले ७११, गठबन्धन माओवादी केन्द्रका अमित गौतमले २५६ मत प्राप्त गरेका छन ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७