पाँच वर्षीया बालिका बलात्कारको आरोपमा १८ वर्षका किशोर पक्राउ
बारा । बारामा एक पाँच वर्षीया बालिकालाई जबरजस्ती करणी गरेको आरोपमा प्रहरीले एक १८ वर्षीय किशोरलाई पक्राउ गरेको छ । जितपुरसिमरा उपमहानगरपालिका-२२ चकरी बस्ने १८ वर्षीय किशोरलाई बुधबार राति प्रहरीले पक्राउ गरेको हो ।
किशोरले ती बालिकालाई घरमा कोही नभएको अवस्थामा ललाई फकाई जंगलमा लगेर जबरजस्ती करणी गरेको प्रहरीले जनाएको छ ।
खबर प्राप्त हुनासाथ इलाका प्रहरी कार्यालय अमलेखगञ्जबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।