पहिरोले आज कुन-कुन सडक अवरुद्ध छन् ?
काठमाडौं । अविरल वर्षापछि खसेको पहिरोका कारण दार्चुला, पाल्पा र चितवनमा सडक अवरुद्ध भएका छन् ।
दार्चुलाको महाकाली नगरपालिका-८ असिगडास्थित गोकुलेश्वर-दार्चुला सडकखण्डमा बिहीबार राति पहिरो जाँदा सडक अवरुद्ध भएको छ ।
पाल्पाको तिनाउ गाउँपालिका-५ हिउदेखोलास्थित सिद्धार्थ राजमार्गमा शुक्रबार बिहान पहिरो जाँदा सडक पूणर्रूपमा अवरुद्ध भएको छ । चितवनको भरतपुर महानगरपालिका-२९ अठार किलो र केराबारीस्थित नारायणगढ-मुग्लिन सडकखण्डमा अविरल वर्षाको कारण शुक्रबार बिहान पहिरो जाँदा सडक पूणर्रूपमा अवरुद्ध भएको छ । प्रहरीले स्थानीय निकायसँगको समन्वयमा सडक खुलाउन आवश्यक पहल गरिरहेको छ ।