यसरी गरियो नेपाल संवत् ११४३ लाई स्वागत {फोटो फिचर}
काठमाडौं । नेपाल संवत् ११४३ आजबाट शुरु भएको छ । नेपाल संवतलाई स्वागत गर्दै बुधबार काठमाडौंको बसन्तपुरमा विभिन्न झाँकी र र्याली निकालिएको छ ।
नेपाल संवत् ११४३ आज देशभर विविध कार्यक्रम आयोजना गरी मनाइएको छ । यो संवतलाई नेवार समुदायले नयाँ वर्षका रूपमा मनाउने गरेका छन् ।
राष्टिय विभूति शंखधर साख्वाले विसं ९३७ (इसं ८८०) मा गरिब जनताको ऋण मोचन गरी नेपाल संवतको शुरुवात गराएका थिए । यसको सम्झनामा आज काठमाडौंसहित नेवार समूदाय भएका क्षेत्रमा र्याली निकालेर नेपाल संवतको स्वागत गरिएको छ ।
