इङ्ल्याण्डलाई विश्वकप उपाधिका लागि १३८ रनको लक्ष्य
काठमाडौं । साम करनले कसिलो बलिङ गरेपछि आईसीसी ट्वान्टी–२० विश्वकपको फाइनलमा इङ्ल्याण्डले पाकिस्तानबाट १३८ रनको मध्यम लक्ष्य पाएको छ ।
अस्ट्रेलियाको मेलबर्न क्रिकेट मैदानमा टस हारेपछि ब्याटिङमा निम्त्याइएको पाकिस्तानले निर्धारित २० ओभरमा आठ विकेट गुमाएर १३७ रनको योगफल खडा गर्यो । पाकिस्तानका सान मसुदले ३८ रन बनाए । कप्तान बाबर आजमले ३२ रन थप्दा सदाब खानले २०, मोहम्मद रिजवानले १५ रन जोडे । पाकिस्तानका अन्य ब्याट्सम्यानले उल्लेखनीय योगदान दिन सकेनन् ।
पाकिस्तानलाई कम योगफलमै रोक्न इङ्ल्यान्डबाट प्रभावकारी बलिङ गरेको साम करनले तीन विकेट लिए । चार ओभर बलिङ गरेका करनले १२ रनमात्र खर्चिए । आदिल आलम र क्रिस जोर्डनले समान दुई विकेट लिँदा वेन स्टोक्सले एक विकेट हात पारे ।