रवि लामिछानेको ८ हजार बढी मतको अग्रता, खुशीयाली मनाउँदै समर्थक
चितवन । चितवन–२ मा राष्ट्रिय स्वतन्त्र पार्टीले मतान्तर बढाउँदै लगेको छ। ३७ हजार २२१ मत गन्दा रवि लामिछाने ८ हजार ६८७ मतान्तर बनाएका छन् । लामिछानेले १७ हजार ५२९ मत ल्याउँदा एमालेका कृष्णभक्त पोखरेलले ८ हजार ८४२ र कांग्रेसका उमेश श्रेष्ठले ८ हजार ६८१ मत ल्याएका छन् ।
लामिछानेको अग्रतासंगै अहिले उनका समर्थकहरु मत गणना स्थल नजिकै नाचगानसहित खुशीयाली मनाउँदै छन् । कालिका नगरपालिका र इच्छाकामना गाउँपालिकाको मत गणना सकिएर अहिले भरतपुरका वडाहरुको मत गणना हुँदैछ ।
बजार क्षेत्र आएपछि रविले मतान्तर बढाउँदै लगेका छन् । चितवन क्षेत्र नम्बर १ मा पनि घण्टी चुनाव चिह्नका हरि ढकाल अगाडि छन् ।
