सुनसरी–४ मा रोचक प्रतिस्पर्धा : कुसियैतलाई कार्कीले चार मतले उछिने
सुनसरी । सुनसरी–४ मा नेपाली कांग्रेस उम्मेदवार तथा सञ्चारमन्त्री ज्ञानेन्द्रबहादुर कार्की र एमालेका जगदीशप्रसाद कुसियैतबीच रोचक प्रतिस्पर्धा देखिएको छ ।
पछिल्लो मत परिणाम अनुसार कांग्रेसका कार्की एमालेका कुसियैतभन्दा जम्मा चार मतान्तरले अगाडि बढेका छन् । अहिलेसम्म कार्कीको ३० हजार ७३ र कुसियैतको ३० हजार ६९ मत रहेको छ । पछिल्लो परिणाम अनुसार कार्की र कुसियैतबीच ४ मतको मात्र अन्तर छ ।
यहाँ दुई दिन रोकिएर पुनः मतगणना शुरु भएको हो । शुरुवाती चरणबाट कार्कीले अग्रता लिँदै गर्दा एमालेका कुसियैतले पनि एक पटक उछिनेका थिए । यो क्षेत्रमा शुरुदेखि नै कांग्रेस र एमाले उम्मेदवारको कडा टक्कर छ ।
