राजदूत खड्काले बुझाए पोल्याण्डका राष्ट्रपति समक्ष ओहदाको प्रमाणपत्र


२३ मंसिर २०७९, शुक्रबार
63 Shares
khadka Ft0n5BWdXt

काठमाडौं । जर्मनीका लागि नेपाली राजदूत रामकाजी खड्काले पोल्याण्डका राष्ट्रपति एन्ड्रेज डुडा समक्ष गैरआवासीय राजदूतको ओहदाको प्रमाणपत्र पेस गरेका छन् ।

वेलभिडीयार प्यालेसमा आयोजित एक विशेष समारोहबीच राजदूत खड्काले राष्ट्रपति डुडासमक्ष ओहदाको प्रमाणपत्र पेश गरेका हुन् । ओहदाको प्रमाणपत्र पेस गर्ने क्रममा राजदूत खड्काले राष्ट्रपति विद्यादेवी भण्डारीले राष्ट्रपतिको व्यक्तिगत सुख र सुस्वास्थ्यका साथै पोलिस जनताको शान्ति, निरन्तर प्रगति एवं सम्बृद्धिका लागि पठाएको शुभकामना सन्देश प्रस्तुत गरेका थिए ।

salt trading.gif.pagespeed.ce .ZcRuUKaeUT

राजदूत खड्काले प्रधानमन्त्री शेरबहादुर देउवाको तर्फबाट राष्ट्रपति, सरकार र पोलिस जनताप्रति नेपाल सरकार र नेपाली जनताको शुभेच्छा र शुभकामना समेत व्यक्त गरेका थिए । खड्काले सैनिकहरूको समाधि स्थलमा श्रद्धाञ्जली अर्पण गर्दै माल्यार्पण तथा स्मृति पुस्तकमा हस्ताक्षर गरेको दूतावासको विज्ञप्तिमा उल्लेख छ ।

ओहदाको प्रमाणपत्र पेशसंगै कुटनीतिक प्रचलन अनुसार राजदूत खड्का र पोलिस परराष्ट्र उपमन्त्री तथा विदेश मन्त्रालय स्थित एसिया प्यासिफिका निर्देशक लगायतबीच शिष्टाचार भेटवार्तामा नेपाल र पोल्याण्ड द्विपक्षीय सम्वन्धका बारेमा विचार आदानप्रदान भएको दूतावासले जनाएको छ ।

jagdamba.cement

जर्मनी स्थित नेपाली दूतावासको जर्मनी लगायत पोल्याण्ड, चेक गणतन्त्र, स्लोभाक गणतन्त्र, हङ्गेरी, रोमानिया, बुल्गेरिया, युक्रेन र भ्याटिकन सिटि (होली सी) समेत देशहरूमा सेवा तथा कुटनीतिक क्षेत्र पर्छ ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७