राप्रपा अध्यक्ष लिङ्देन र अमेरिकी राजदूत थम्पसनबीच भेटवार्ता
काठमाडौं । राप्रपा अध्यक्ष राजेन्द्र लिङ्देन र अमेरिकी राजदूत डीन आर थम्पसनबीच भेटवार्ता भएको छ । राप्रपाको पार्टी कार्यालयमा बुधबार दुईबीच भेटवार्ता गरेका हुन् ।
उनीहरूबीच सत्ता समीकरणका विषयमा पनि छलफल भएको बताइएको छ । अमेरिकी राजदूत थम्पसनले संसदीय दलको नेता चयन भएकामा अध्यक्ष लिङ्देनलाई बधाइ समेत दिएका थिए । केही दिनअघि चिनियाँ पक्षले पनि अध्यक्ष लिङ्देनसँग भेटवार्ता गरेका थिए ।
