साफ यू–२० महिला च्याम्पियनसिप : उपाधिका लागि नेपाल र बंगलादेश भिड्ने
काठमाडौं । बंगलादेशमा जारी साफ यू–२० महिला च्याम्पियनसिप फुटबलको फाइनलमा भोलि (बिहीबार) नेपालले आयोजक बंगलादेशको सामना गर्ने भएको छ ।
समूहको अन्तिम खेलमा मंगलबार भुटानलाई ५–० ले हराउँदै बंगलादेशले नेपालविरुद्धको उपाधि भिडन्त तय गरेको हो । मंगलबार नै भएको पहिलो खेलमा भारतलाई ३–१ ले हराउँदै नेपालले फाइनलमा स्थान बनाएको थियो ।
चार टोली सहभागी साफ यू–२० महिला च्याम्पियनसिप फुटबलको समूह चरण राउण्ड रोबिन लिगको आधारमा खेलाइएको थियो । तीन खेलबाट ७ अंक जोड्दै बंगलादेश समुह विजेता बन्यो भने ६ अंक जोडेको नेपाल दोस्रो भयो ।