कृषि विकास बैंकको सञ्चालक समितिको अध्यक्षमा पुडासैनी
काठमाडौँ । कृषि बिकास बैंकको सञ्चालक समितिको अध्यक्षमा रामशरण पुडासैनी नियुक्त भएका छन् । नव नियुक्त अध्यक्ष पुडासैनी निजामती सेवामा लामो अवधिसम्म कार्यरत रही राजस्व सचिवबाट अनिवार्य अवकाश प्राप्त व्यक्ति हुन् । उनले आर्थिक क्षेत्र लगायत विभिन्न निकायमा कार्य गरेको अनुभव सँगालेका छन् ।
नव नियुक्त अध्यक्ष पुडासैनीलाई गर्भनर महाप्रसाद अधिकारीले सपथ ग्रहण गराएका छन् । उक्त अवसरमा नेपाल राष्ट्र बैंकका डेपुटी गर्भनरहरू निलम ढुंगाना तिम्सिना, बमबहादुर मिश्र, बैंक नियमन विभागका कार्यकारी निर्देशक गुणाखर भट्टलगायतको सहभागिता थियो ।
