सुनको भाउ हालसम्मकै उच्च, तोलाको कति पुग्यो ?
काठमाडौं । नेपाली बजारमा सुनको मूल्य हालसम्मकै उच्च भएको छ । नेपाल सुनचाँदी व्यवसायी महासंघका अनुसार आज (आइतबार) सुनको भाउ तोलाको अहिलेसम्मकै उच्च मूल्यमा कारोबार भइरहेको छ ।
यस दिन छापावाल सुन तोलामा दुई हजार ९०० रुपैयाँले बढेर एक लाख १० हजार रुपैयाँमा कारोबार भइरहेको छ । उक्त सुन शुक्रबार तोलाको एक लाख सात हजार १०० रुपैयाँमा कारोबार भएको थियो ।
आइतबार तेजाबी सुन तोलाको एक लाख नौ हजार ५०० रुपैयाँमा कारोबार भइरहेको छ । यस्तै, चाँदी मूल्य पनि तोलामा ३५ रुपैयाँले बढेको छ । यस दिन चाँदी तोलामा एक हजार ३४५ रुपैयाँमा कारोबार भइरहेको महासंघले जनाएको छ ।