बार्सिलोना जिरोनासँग बराबरीमा रोकियो
काठमाडौं । बार्सिलोनाले स्पेनी ला लिगामा सोमबार जिरोनासँग गोलरहित बराबरी खेलेको छ । नु क्याम्पमा जित निकाल्न असफल भएपछि बार्सिलोनाले शीर्ष स्थानमा १५ अंकको अग्रता लिन चुकेको हो ।
खेलमा सबैभन्दा राम्रो अवसर रोबर्ट लेवनडोस्कीले पाएका थिए, तर उनी त्यसमा सफल रहेनन् । यस नतिजाका बाबजुद ज्याभीको बार्सिलोनालाई दोस्रो स्थानमा रहेको रियल म्याड्रिडमाथि १३ अंकको ठोस अग्रता प्राप्त छ । बार्सिलोनाको २८ खेलबाट ७२ अंक भएको छ । रियल समान खेलबाट ५९ अंकमा रहेको छ ।
