कारागार सुरक्षामा खटिएका सशस्त्र प्रहरीका सहायक हवल्दारले आफैंलाई हाने गोली
दाङ । दाङको तुलसीपुर कारागारमा कार्यरत सशस्त्र प्रहरीका सहायक हवल्दारले आफैंलाई गोली हानेका छन् ।
आइतबार बेलुकी कारागारको सुरक्षामा खटिएका तुलसीपुर–८ टिकरीका ३५ वर्षीय वसन्त केसीले आफैंलाई गोली हानेको जिल्ला प्रहरी कार्यालय दाङका डीएसपी राजन गौतमले जानकारी दिए । बेलुकी ८ः४० बजेतिर उनले ड्यूटीमै रहेको हतियारबाट कञ्चटमा गोली हानेका हुन् । उनको घटनास्थलमै ज्यान गएको छ ।
४८ नम्बर रिजर्भ गुल्म कपिलवस्तुमा कार्यरत केसी केही दिनअघि मात्रै कारागार सुरक्षामा खटिएका थिए । घटनाबारे थप अनुसान्धन गर्ने डीएसपी अधिकारीले बताएका छन् ।
