सेल्टा भिगोमाथि रियलको सहज जित
काठमाडौं । मार्को एसेन्सोले एक गोल गर्दै अर्को गोलको अवसर सिर्जना गरेपछि रियल म्याड्रिडले शनिबार स्पेनी ला लिगामा सेल्टा भिगोलाई २–० ले गोलले सहजै पराजित गरेको छ । रियल शीर्ष स्थानमा रहेको बार्सिलोना भन्दा आठ अंकले पछाडि छ ।
बार्सिलोनाले आइतबार एटलेटिको म्याड्रिडको सामना गर्नेछ । रियलको ३० खेलबाट ६५ अंक रहेको छ । एटलेटिको भने तेस्रो स्थानमा छ र उसको ६० अंक रहेको छ ।
चौथो स्थानका रियल सोसिडाडले शनिबारकै अर्को खेलमा रायो भाल्कानोलाई २–१ ले हरायो । उसको ५४ अंक भएको छ । पाँचौं स्थानमा रहेको रियल बेटिस भने ओसासुनासँग ३–२ ले पराजित रह्यो ।