कोरोनाबाट थप एकको मृत्यु, १११ संक्रमित थपिए
काठमाडौं । नेपालमा पछिल्लो २४ घण्टामा कोरोना भाइरस संक्रमणबाट थप एक जनाको मृत्यु भएको छ । योसँगै नेपालमा कोरोनाका कारण मृत्यु हुनेको संख्या १२ हजार २९ पुगेको छ ।
आज देशभर १११ जना कोरोना संक्रमित थपिएका छन् । दुई हजार ५१७ वटा नमुना परीक्षण गर्दा १११ जनामा संक्रमण पुष्टि भएको हो । त्यस्तै, आज ६० जना संक्रमणमुक्त भएका छन् । योसँगै सक्रिय संक्रमितको संख्या ३७८ पुगेको छ ।
आजसम्म १८ जना अस्पतालमा भर्ना भएका छन् । तीमध्ये छ जना आईसीयू र एक जना भेन्टिलेटरमा उपचाररत रहेको स्वास्थ्य तथा जनसंख्या मन्त्रालयले जनाएको छ ।
