वीर अस्पतालको छतको पर्खाल भत्किँदा इँटाले लागेर तीन जना घाइते
काठमाडौँ । वीर अस्पतालको पुरानो भवनको छतको पर्खाल भत्किएर खसेको इँटाले लागेर तीन जना घाइते भएका छन् । दुई दिनदेखि परेको पानीले पर्खाल भिजेर छुटेका इँटा खस्दा भवनभित्रको प्यासेजमा हिँडिरहेका सर्वसाधारणलाई लागेको हो ।
माथि छतबाट खसेका इँटा जस्तापातामा लाग्दै सर्वधारणमाथि खसेको थियो । ती इँटाले लागेर तीन जना घाइते भएका हुन् ।
उनीहरुलाई तत्कालै उद्दार गरेर उपचारका लागि भर्ना गरिएको छ । तर घाइते सबै जनाको अवस्था सामान्य रहेको अस्पतालले जानकारी दिएको छ ।