महिला टी–२० क्रिकेट श्रृंखला : नेपालले आज मलेसियासँग निर्णायक खेल खेल्दै
काठमाडौँ । महिला टी–२० क्रिकेट श्रृङ्खलाको पाँचौँ तथा निर्णायक खेलमा नेपालले आज घरेलु टोली मलेसियासँग खेल्दैछ । श्रृङ्खला २–२ को बराबरीमा छ ।
आजको खेल जित्ने टोलीले श्रृङ्खला जित्ने छ । खेल बिहान पौने ९ बजे बाङ्गीमा सुरु हुनेछ । हिजो भएको चौथो खेलमा नेपाल मलेसियासँग ४ विकेटले पराजित भएको थियो ।
त्यस्तै, पहिलो खेलमा नेपाल ५ विकेटले पराजित भएको थियो भने दोस्रो र तेस्रो खेल जितेको थियो । नेपाल दोस्रो खेलमा ७ विकेटले र तेस्रो खेलमा २७ रनले विजयी भएको थियो ।