फेरि एक हजारले बढ्यो सुनको भाउ, तोलाको कति पुग्यो ?
काठमाडौं । नेपाली बजारमा सुनको मूल्य आज (बुधबार) तोलामा एक हजार रुपैयाँले बढेको छ । नेपाल सुनचाँदी व्यवसायी महासंघका अनुसार छापावाल सुन एक लाख १९ हजार र तेजाबी सुन एक लाख १८ हजार ४ सय ५० रुपैयाँमा कारोबार भएको हो ।
अघिल्लो दिन दुवै सुनको मूल्य क्रमशः एक लाख १८ हजार र एक लाख १७ हजार ४ सय ५० रुपैयाँ थियो । यता चाँदी पनि आज तोलामा १५ रुपैयाँ महंगो भएको छ । योसँगै आज चाँदी प्रतितोला १ हजार ४ सय ६५ रुपैयाँमा कारोबार भएको छ । उता अन्तर्राष्ट्रिय बजारमा भने सुन आज केही घटेर प्रतिऔँस २ हजार ४१ अमेरिकी डलरमा कारोबार भएको छ ।
