स्रोत नखुलेको १९ लाख बढी रकमसहित साह पक्राउ
मोरङ । स्रोत नखुलेको १९ हजार ९० लाख रुपैयाँसहित एक जना पक्राउ परेका छन् । सुनसरीको देवानगन्ज गाउँपालिका–५ का ४९ वर्षीय सुरेन्द्रप्रसाद साहलाई विराटनगर–६ केशलिया मार्गबाट प्रहरीले पक्राउ गरेको हो ।
उनी हुन्डी कारोबारमा संलग्न रहेको खुलेको व्यक्ति भएको मोरङ प्रहरीका प्रवक्ता डीएसपी रञ्जनकुमार दाहालले बताए । बरामद गरिएको नगद र उनले प्रयोग गरेको मोटरसाइकलसहित कारबाहीको लागि साहलाई राजस्व अनुसन्धान कार्यालय इटहरी पठाइएको छ ।
यसअघि, गत कात्तिक १४ मा १६ वर्षीय बालकलाई नगद २१ लाख ८७ हजार रकमसहित पक्राउ गरिएको थियो । उनलाई पनि हुन्डी कारोबारीले प्रयोग गरेको पाइएको थियो । यस्तै, विराटनगरकै धर्मनन्द साह चार लाख ७५ हजार तथा रञ्जितकुमार साह नौ लाख २० हजारसहित पक्राउ परेका थिए ।