बझाङमा अब साइपालको मात्र मत गन्न बाँकी : कांग्रेस भन्दा एमाले ३४२ मतले अगाडि
बझाङ । बझाङ प्रतिनिधि सभा १ को प्रदेश सभा (१) तर्फ नेकपा एमालेका दमनबहादुर भण्डारीले मतान्तर फराकिलो बनाउँदै लगेका छन् । मुख्य निर्वाचन अधिकृतको कार्यालयका अनुसार भण्डारी ११ हजार १०३ मतसहित अग्रस्थानमा छन् । नेपाली कांग्रेसका अभिषेकबहादुर सिंहले १०,७६१ मतसहित भण्डारीलाई पछ्याइरहेका छन् ।
उनीहरुबीचको मतान्तर ३४२ छ । नेकपा माओवादी केन्द्रका जनकबहादुर बुढाले ३७९७ मत ल्याएका छन्। नेकपा एकीकृत समाजवादीका दिलबहादुर सिंहले २५१० मत ल्याएका छन् । तलकोट गाउँपालिका मतगणना सकिएको छ । अब साइपाल गाउँपालिकाको मत मात्रै गन्न बाँकी छ ।
