दीपक कार्कीले लिए वन तथा वातावरण राज्यमन्त्रीको शपथ
काठमाडौं । नव नियुक्त राज्यमन्त्री दीपक कार्कीले पद तथा गोपनीयताको शपथ लिएका छन् । उनलाई प्रधानमन्त्री पुष्पकमल दाहाल ‘प्रचण्ड’ ले सोमबार सिंहदरबारस्थित प्रधानमन्त्री तथा मन्त्रिपरिषद्को कार्यालयमा शपथ दिलाएका हुन् ।कार्कीलाई वन तथा वातावरण मन्त्रालयको जिम्मेवारी दिइएको छ । कार्की जसपाका सांसद हुन् ।
उनी धनुषाबाट प्रतिनिधिसभामा निर्वाचित भएका थिए । वनमन्त्री जसपाकै नवलकिशोर साह सुडी छन् । गत फागुन २१ गते नेकपा एमालेसहितको गठबन्धन बनेयता तेस्रो पटक मन्त्रिपरिषद् विस्तार भएको हो । कार्कीले सोमबार दिउँसो प्रधानमन्त्री तथा मन्त्रिपरिषद्को कार्यालयमा पद तथा गोपनीयताको सपथ लिएर कार्यभार पनि सम्हालेका छन् ।
