एसीसी प्रिमियर कप : हङकङले नेपाललाई दियो ११५ रनको लक्ष्य
काठमाडौँ । ओमानमा जारी एसीसी प्रिमियर कप क्रिकेट प्रतियोगिताअन्तर्गत हङकङले नेपाललाई ११५ रनको लक्ष्य दिएको छ । समूह ‘ए’ अन्तर्गत टस हारेर पहिले ब्याटिङ गरेको हङकङले तय गरिएको १७ ओभर ५ बलमा सबै विकेट गुमाएर ११४ रन बनायो ।
हङकङका लागि अन्सुमन रथले ३४ रन तथा कप्तान निजाकत खानले १२ रन बनाए । जिसन अलीले १४ रन जोडे । नेपालका लागि अविनाश बोहराले ३, ललित राजवंशी र दिपेन्द्र सिंह ऐरीले २–२ तथा करण केसीले १ विकेट हात पारे ।