दक्षिण एशियाली कुराशमा नेपालले जित्यो २ स्वर्ण र ३ रजत
काठमाडौं । दक्षिण एशियाली कुराशमा नेपालले २ स्वर्ण र ३ रजत पदक जितेको छ । भारतको केरेलामा बैशाख ७ देखि ८ गतेसम्म भएको प्रथम दक्षिण एशियाली कुराश प्रतियोगितामा नेपालले २ स्वर्ण र ३ रजत पदक जितेको छ ।
नेपालका लागि योगेन्द्र बिष्टले ८१ केजी समूहमा र दीक्षा मगरले ४४ केजी समूहमा स्वर्ण पदक जितेकी छन् । त्यसैगरी दिपिका अचाजुले ८७ केजी समूहमा, परी घर्ती क्षेत्रीले ६३ केजी समूहमा र अर्जुन क्षेत्रीले ६० केजी समूहमा रजत पदक जितेका हुन् ।
