बेल्जियमसँग ब्राजिल स्तब्ध
काठमाडौं, २२ असार (एजेन्सी) । पाँच पटकको विश्व च्याम्पियन ब्राजिललार्इ बेल्जियमले पराजित गरेकाे छ । रसियामा जारी विश्वकप फुटबलको क्वाटरफाइनल अन्तर्गत कजन एरेना रंगशालामा भएकाे खेलमा ब्राजिल बेल्जियमसँग २-१ गाेलले पराजित भएकाे हाे ।
ब्राजिलले खेलको १३ औं मिनेटमा पहिलो गोल खाएको हो । बेल्जियमका लागि पहिलो गोल आत्मघाती गोल भएको थियो । कर्नरबाट आएको बललाई क्लिएर गर्ने क्रममा फर्ना्डिन्होले गरेको हेडले ब्राजिलको आफ्ने पोस्टको जाली चुमेको हो ।
फर्नान्डो ब्राजिलको विश्वकप इतिहासमा आफ्नै पोस्टमा गोल गर्ने दोस्रो खेलाडी बने । यसअघि २०१४ मा क्रोएशियाविरुद्ध मार्सेलोले आफ्नै पोस्टमा गोल गरेका थिए। यसविश्वकपमा भएको यो ११ अौं आत्मघाती गोल समेत हो।
एक गोलले पछि परेको ब्राजिलविरूद्ध बेल्जियमले ३१औं मिनेटमा अग्रता दोब्बर पारे । बेल्जियमका लागि दोश्रो गोल रोमेलु लुकाकुको सहयोगमा डिब्रुएनेले खेलको ३१ औं मिनेटमा गरेका हुन् ।
पहिलो हाफमा २–० गोलले पछाडी परेको ब्राजिल दोस्रो हाफको ७६ औं मिनेटमा ब्राजिलका लागि अगस्टोले गोल फर्काए । त्यसपछि पनि ब्राजिलले लगातार पोष्टमा प्रहार गरेपनि गोल हान्न सकेन् ।
यस विश्वकपमा यो बेल्जियमको लगातार पाँचौं जित हो। जितसँगै १९८६ पछि बेल्जियम पहिलोपटक विश्वकपको सेमिफाइनलमा प्रवेश गरेको छ। बेल्जियमले अब सेमिफाइनलमा फ्रान्ससँग खेल्नेछ ।
