भन्सार विभागका महानिर्देशक राया चार महिनामै अर्थमा तानिए
काठमाडौं, २ साउन । भन्सार विभागका महानिर्देशक तोयम राया चार महिनामै अर्थ मन्त्रालय तानिएका छन् । राया चार महिना अगाडि भन्सार विमागको महानिर्देशक बनेका थिए । कर्मचारी फेरबदल गर्ने क्रममा बजेट महाशाखाका सहसचिव निर्मल हरि अधिकारीलाई भन्सार विभाग पठाउन लागिएको समाचार स्रोतले जानकारी दिएको ।
अर्थ मन्त्रालयले अन्तर मन्त्रालय सरुवा गर्दै रायालाई भन्सारमा सरुवा गरेको चार महिनामै फिर्ता गरेको हो । उनलाई अर्थ मन्त्रालयको राजश्व व्यवस्थापन महाशाखाको प्रमुख बनाइने स्रोतले जानकारी दिएको छ । अर्थ मन्त्रालयको प्रशासन महाशाखा प्रमुख अर्जुन पोख्रेल गृह मन्त्रालयमा सरुवा भएका छन् । उनले आफूले पत्र पाई नसकेको बताएका छन् ।
यस्तै रक्षा मन्त्रालयका बलराम रिजाल र उपराष्ट्रपति कार्यालयका हरिशरण पुडासैनी अर्थ मन्त्रालयमा सरुवा भएका छन् । रिजाल र पुडासैनी अर्थमा हाजिर भइसकेका छन् ।
