यातायातका इन्जिनियर घुससहित पक्राउ
बुटवल, २८ साउन । यातायात व्यवस्था कार्यालय बुटवलका इन्जिनियर सेवाग्राहीबाट घुससहित लिंदालिंदै पक्राउ परेका छन् ।
कार्यालयका मेकानिकल इन्जिनियर सरोजकुमार साहलाई अख्तियार दुरुपयोग अनुसन्धान आयोग बुटवलको कार्यालयबाट खटिएको टोलीले २० हजार नगदसहित रङ्गेहात पक्राउ गरेको हो ।
नयाँ सवारीसाधन दर्ताका लागि साहले सेवाग्राहीबाट घुस लिन लागेको सूचनाका आधारमा पक्राउ गरिएको अख्तियार दुरुपयोग अनुसन्धान आयोग बुटवल कार्यालयका प्रमुख प्रहरी उपरीक्षक दिनेशकुमार आचार्यले जानकारी दिएका छन् ।
