करेन्ट लागेर एकको मृत्यु
इलाम : इलाम नगरपालिका–८ तिल्केनीमा आइतबार बिहान करेन्ट लागेर एक जनाको मृत्यु भएको छ । आफ्नो घर बनाउने क्रममा करेन्ट लाग्दा बेदबहादुर तामाङको ज्यान गएको हो ।
घर बनाउने क्रममा फलामको रड सिधा गर्दा रडले बाटोमा रहेको बिजुलीको तार छुँदा उहाँलाई करेन्ट लागेको थियो । करेन्ट लागेका तामाङको उपचारका लागि इलाम अस्पतालमा ल्याउने क्रममा बाटोमै मृत्यु भएको जिल्ला प्रहरी कार्यलय इलामले जानकारी दिएको छ ।
