त्रिभुवन विमानस्थलमा जहाज दुर्घटनापछि सयौं यात्रु अलपत्र
काठमाडौं, ७ बैसाख । त्रिभुवन अन्तर्राष्ट्रिय विमानस्थल बन्द भएका कारण नेपाल जान लागेका यात्रुहरु युएईमा अलपत्र परेका छन् ।
अन्तर्राष्ट्रिय उडान प्रभावित भएका कारण त्रिभुवन विमानस्थलमा जहाज ओर्लिन नसक्ने भन्दै विभिन्न देशबाट उडान भर्ने तयारी गरिरहेका यात्रु युएईकै विमानस्थलमा अलपत्र परेका हुन् ।
युएईको सारजाह विमानस्थलमा अहिले एक सय भन्दा धेरै यात्रुहरु अलपत्र अवस्थामा छन् । युएईबाट नेपालका लागि उड्ने जहाज नेपाल नगएपछि यात्रुहरु बिचल्लीमा परेका हुन् ।
युएईको सारजाह, दुबई र आबुधाबीबाट विभिन्न एयरलाइन्सले नेपालका लागि उडान भर्ने गरेका छन् । ती विमान्स्थलमा अन्य देशबाट नेपाल घुम्न आएका विदेशीहरु पनि ट्रान्जिटमा बस्नु परेकाले युएईको सारजाहमा अलपत्र परेका छन ।
आजैको टिकट लिएर ४ वर्षपछी घर फर्किन लागेका स्याङ्जाका बिष्णु गैरेले नेपाल फर्कन नपाएर अलपत्र परेको बताउनुभयो । नेपाल आउने नेपालीसहित विदेशी नागरिक पनि युएईकै विमानस्थलमै अलपत्र परेका छन् ।
