मकालु एयरको जहाज हुम्लामा दुर्घटनाग्रस्त, पाइलट–कोपाइलट दुबैको मृत्यु
सुर्खेत, २ जेठ । सुर्खेतबाट सिमिकोटका लागि उडेको मकालु एयरको विमान हुम्लामा दुर्घटना हुँदा पाइलट र को–पाइलट दुवैको मृत्यु भएको छ ।
जहाज बिहान ६ जेर ५५ मिनेटमा सिमकोट अवतरण गर्नुपर्ने थियो । विमानमा पाइलट किरण भट्टराई र को–पाइलट रहेको आदित्य नेपाली थिए ।
हुम्लाका सहायक प्रमुख जिल्ला अधिकारी महेशकुमार पोखरेलका अनुसार पाइलट र को– पाइलट दुवैको मृत्यु भएको हो । बिहान ६ बजेर २० मिनेटमा सुर्खेत विमानस्थलबाट सामान लिएर उडेको ‘कार्गो’ जहाज हुम्लाको खार्कोनाथ गाउँपालिकाको बाहुनखर्कमा विमान फेला पारेको जनाइएको छ । घटनास्थलमा अहिले अर्को हेलिकोप्टर पुगेको छ । थप विवरण आउन बाँकी छ ।